ឆ្នាំម្សាញ់ ពង្សមនុស្សប្រុស ធាតុភ្លើង
(១៩០៥, ១៩១៧, ១៩២៩, ១៩៤១, ១៩៥៣, ១៩៦៥, ១៩៧៧, ១៩៨៩, ២០០១, ២០១៣)
ឆ្នាំម្សាញ់ (ពស់តូច) ពង្សមនុស្សប្រុស ត្រូវកាលព្រះភូរិទត្តកំពុងចាំសីលលើដំបូក នាយអាលំ ពាយចាប់យកបាត់ទៅ ។
ឆ្នាំម្សាញ់ ជាអ្នកមិនត្រូវការពឹងអ្នកដទៃ អាយុបាន ៥៦ ឆ្នាំ នឹងមានគ្រោះកាចម្ដង ។
បើកើតថ្ងៃសុក្រ ជាមាត់ មាត់នោះចរចាឡែបខាយ ជាទីគាប់ចិត្តដល់មនុស្សទាំងឡាយ ។ ព្រះអាទិត្យ ជាចិត្ត ចិត្តនោះច្រើនសាប់ឡាប់ មិនស្អាត មិននឹងនួន ។ ព្រះពុធ ជាអាសន៍ មានកាមរាគល្មម គួរសម។ព្រះសៅរ៍ និង ព្រះច័ន្ទ ជាដៃ ធ្វើការងារច្រើនសំរេចដូចសេចក្ដីប្រាថ្នា។ព្រះអង្គារនិងព្រះព្រហស្បតិ៍ ជាជើងជាអ្នកចូលចិត្តដើរ ។
ជោគជីវិត
ឆ្នាំម្សាញ់ ជាអ្នកមានចិត្តមិននឹងនរ ចូលចិត្តចាប់ធ្វើការច្រើនមុខ បើលក់ដូរ ពេទ្យ រាជការក៏បាន និស្ស័យចូលចិត្តធ្វើរាជការ ប៉ុន្តែធ្វើមិនបានយូរ ច្រើនតែគេបណ្ដេញចេញញយៗ ដោយសត្រូវបៀតបៀន ពុំនោះទេ ជាអ្នកប្រកបដោយរោគច្រើនចូលចិត្តខាងភាពខ្ពង់ខ្ពស់ មានគូស្រករច្រើន ជាអ្នកបៀតបៀនគេធ្វើ ការងារក្នុងទីណា រមែងមិនស្បាយរីករាយចិត្ត ។ ជាមនុស្សចូលចិត្តដើរ ។ អាយុ ៤៥-៤៦-៤៧-៤៨ ត្រូវខូច បាត់ទ្រព្យ ជាទីស្រឡាញ់ ឬញាតិមិត្តស្លាប់ចោល ។ រវាងអាយុ ៤៩ ដល់ ៥៧ ល្អសំបូរណ៍ដោយយសស័ក្តិ បានសេចក្ដីសុខជានិច្ច ។
ខ្ញុំបានប្រពន្ធឆ្នាំម្សាញ់ពេលនេះបែកគ្នាហើយ។ចង់ដឹងថាតើអាចត្រូវគ្នាវិញទេ។បែកគ្នាបានមួយឆ្នាំហើយ។ខ្ញុំឆ្នាំខាល
ឆ្នាំខាល ត្រូវជាងគេគឺឆ្នាំច