មិនចង់និយាយទេ តែបើមិននិយាយគឺនៅមិនសុខតែម្ដង..
-កាលលពីប៉ុន្មានឆ្នាំមុន មុនឆ្នាំ២០០៣ អ្វីៗដូចគ្នាសឹងតែលើគេទៅទៀត សំរាប់ប្រទេសកម្ពុជា បើប្រៀបធៀបជាមួយនឹងប្រទេសឡាវ។ តែសព្វថ្ងៃនេះ គេបានដើរលើយើងមួយជំហានទៀតហើយ នេះមិនបានប្រៀបធៀបជាមួយប្រទេសថៃ និងប្រទេសវៀតណាមផង ដែលគេបានដើរមុនយើងរាប់សិនជំហាន។ សំភារៈខាងវិស័យការពារជាតិរបស់យើង នៅតិចជាងគេ បើសិនជាប្រឈមមុខដាក់គ្នាជាទ្រង់ទ្រាយធំវិញ គឺយើងមិនឈ្នះគេទេ ហើយកុំប្រៀបប្រដូចប្រទេសយើងដូចជាសម័យវៀតណាមខាងត្បួង សង្រ្គាមជាមួយអាមេរិចអី ព្រោះយើងមិនមានល្បិចដូចវៀតណាមទេ ដែលធ្វើរូងក្រោមដីនោះ ចំនែកខ្មែរយើងទ្រឹងៗ ដូចដើមត្នោត ឯវៀតណាមវិញ សកម្មដូចឬស្សីចឹង បើប្រៀបជាមួយថៃវិញ រឹតតែមិនអាចទៅទៀត ព្រោះប្រទេសគេគ្មានសង្រ្គាមដូចវៀតណាម ហើយក៏មិនដែលជួបសង្រ្គាមវិនាសមនុស្ស មានផ្ទះឥតមនុស្សនៅ មានផ្លូវឥតមនុស្សដើរដូចប្រទេសកម្ពុជាដែរ។ ឥឡូវរាប់ចាប់ពីឆ្នាំ១៩៩៨ ដល់ពេលបច្ចុប្បន្នវិញ តើវាយ៉ាងម៉េច! គឺកម្ពុជាយើងកំពុងតែប្រើល្បឿនពន្លឺតាមលក្ខណៈខ្យងវា ដែលខុសពីប្រទេសជិតខាង ដែលគេប្រើល្បឿនខ្យងជំហានទន្សាយទៅវិញ។
-(បៀរវត្ស៍) ដែលប្រាក់ខែមន្រ្តីរាជការពេលនេះ សឹងតែមិនអាចរស់បាន បើប្រៀបធៀបជាមួយតំលៃទំនិញក្នុងទីផ្សារដែលចេះតែឡើងថ្លៃពីមួយថ្លៃទៅមួយថ្លៃ។ កាលពីមុន ប្រាក់ខែគ្រូតែ១០០០០០៛ តែតំលៃទំនិញ ថ្ងៃម្ហូប អាចហូបបាន៣០ថ្ងៃ និងអាចចាក់សាំងបានគ្រប់ ((សាំងមួយលីត្រ ២០០០៛) ១ខែ ៦០០០០៛/៣០ថ្ងៃ) ប៉ុន្តែសព្វថ្ងៃប្រាក់ខែគ្រូដល់ទៅ ៤០០,០០០៛ តែនៅតែចាយមិនគ្រប់ ជួនខែខ្លះ ត្រូវខ្ចីលុយគេ រឺក៏យកលុយពីអ្នកផ្ទះវិញក៏មាន។ អ្នកធំ រឺអ្នកធ្វើការរដ្ឋដែលមានឋានៈ ដែលមួយខែគេអាចរកចំណូលបាន ក្រៅពីប្រាក់បៀវត្ស៍ងាប់ ដល់ទៅរាប់សិបដុល្លារ រឺរាប់ពាន់ដុល្លារ តែក្រលេកមើលពលរដ្ឋធម្មតាវិញ ជួនកាលមួយខែ នៅសល់ក្រៅពីការចាយវាយប្ហូមអាហារ ត្រឹមតែ៥$=២០៥០០៛ នេះមិនទាន់រាប់បញ្ចូលថ្លៃអគ្គិសនី ថ្លៃទឹក និងថ្លៃចំនាយសំលៀកបំពាក់កូនចៅផង។ សេដ្ឋកិច្ចកម្ពុជាសព្វថ្ងៃ គេមិនបានទៅមើលអីផ្សេងក្រៅតែពីរបាយការណ៍ដែលប្រមូលមកពីបណ្តាលបក្សពួករបស់ខ្លួន ហើយបំប៉ោងទិន្នន័យ រឺក៏ប្រមូលរបាយការណ៍មិនបានគ្រប់ ឬក៏ ខ្ទង់ចំនាយដែលជំពាក់ត្រូវវេរគិតទៅឆ្នាំក្រោយទើបធ្វើរបាយការណ៍។ ប្រាក់ខែរដ្ឋ បើកជាលុយខ្មែរ ប៉ុន្តែពេលទៅទិញទំនិញផ្សេងៗតាមទីផ្សារ គេបែរគិតជាដុល្លារទៅវិញ ដែលជាកត្កាកាន់តែនាំឲ្យលុយខ្មែរ កាន់តែធ្លាក់ចូលក្នុងអតិផរណាថែមទៀត។
ឥឡូវបែរមកមើលប្រព័ន្ធបច្ចេកវិជ្ជាដែលគេតែងតែហៅថាព័ត៌មានវិទ្យានេះវិញម្ដង តើវាដំណើរការ និងអភិវឌ្ឍន៍ដល់ណាទៅហើយ ក្នុងប្រទេសកម្ពុជាយើងនេះ បើប្រៀបជាមួយប្រទេសឡាវនោះ? សព្វថ្ងៃព័ត៌មានវិទ្យាស្រុកខ្មែរ គឺមានការកើនឡើងជាលំដាប់ ប៉ុន្តែគេយកប្រយោជន៍ពីវាខុសទំនង និងចែកមិនបានត្រូវជំនាញឡើយ។ កម្ពុជាមិនទាន់មានផ្កាយរណបផ្ទាល់ខ្លួនទេ ប៉ុន្តែប្រទេសឡាវ គេមានផ្កាយរណបរបស់គេផ្ទាល់ខ្លួនរួចទៅហើយ ហើយបណ្ដាញទំនាក់ទំនងរបស់គេរហ័សជាមុន និងសេដ្ឋកិច្ចលូតលាស់ជាមុន ដែលជាកត្កា កាត់បន្ថយការលំបាករបស់ពលរដ្ឋគេ។
-(សេវាគមនាគមន័៍រលកធាតុអាកាស) វិស័យទំនាក់ទំនងតាមទូស័ព្ទ គឹមានការកើនឡើងដូចព្យុះ ក៏ដូចជាការផ្សព្វផ្សាយពី បណ្តាញរបស់ខ្លួន ប៉ុន្តែពួកក្រុមហ៊ុនទាំងនោះ បាននឹងកំពុងទាក់ទាញប្រជាពលរដ្ឋ ឲ្យចំនាយលុយពីមើលឃើញ ទៅជាលុយខ្យល់ហើយត្រូវបង់ប្រាក់ជាមុនថែមទៀត។ ខ្ញុំមិនដឹងថាក្រុមហ៊ុនបណ្តាញទូរស័ព្ទប្រទេសគេមានប៉ុន្មាននោះទេ ក្នុងប្រទេសមួយៗនោះ ប៉ុន្តែស្រុកខ្មែរឯងនេះ មានច្រើនគួរសមដែរ រហូតដល់ចាំមិនអស់។ មានក្រុមហ៊ុនខ្លះ ថែមទាំងបញ្ចុះបញ្ចូលអតិថិជនខ្លះ ឲ្យបញ្ចូលលុយ ដើម្បីមានឱកាសឈ្នះរង្វាន់ ដែលលទ្ធផលនោះ ពិបាកត្រូវជាងចាក់កន្ទុរលេខ រឺក៏ប្រូបាបទៅទៀត។ ការចំនាយលុយ ដើម្បីឈ្នះរង្វាន់ពីក្រុមហ៊ុនទូរស័ព្ទនេះ បញ្ចូលមួយសែនដង ក៏មិនទាន់ត្រូវម្ដងដែល ហើយអ្នកដែលឈ្នះ គឺ១ភាគ១០០០០០គឺត្រូវយកលុយរង្វាន់ពីអ្នកបញ្ចូលលុយឯទៀត ទៅបង្គ្រប់ទៅឲ្យអ្នកឈ្នះរង្វាន់ម្នាក់ ដែលក្រុមហ៊ុនមិនបានចេញលុយមួយសេនណាពីហោប៉ៅឡើយ។ រង្វាន់ដូចជាឡាន កុំព្យួទ័រ ទូរស័ព្ទទំនើប វាធ្វើឲ្យអតិថិជនមានចិត្តលោភលន់ ដើម្បីប្រឹងប្រែងយកសំភារៈទាំងនោះ ប៉ុន្តែភាពលោភលន់របស់មនុស្សគ្មានព្រំដែន គេបញ្ចូលចាប់រង្វាន់មិនត្រឹមតែម្ដងនោះទេ។
នៅមានច្រើនទៀតដែលត្រូវរៀបរាប់ និងប្រៀបធៀប តែដោយសារមិនមានពេល ខ្ញុំសូមយកតែប៉ុណ្ណឹងមកសិន ដើម្បីទុកឲ្យអស់លោកអ្នកមាន យោបល់ខ្លះៗ និង បញ្ចេញគំនិងផ្ទាល់ខ្លួនអ្នកនៅទីនេះ។
សូមបញ្ចេញយោបល់ផងបាទ
«ស្រុកខ្មែរ សូម្បីតែលុយសែនខ្មោចក៏ឡើងថ្លៃដែរ»
យប់ថ្ងៃអាទិត្យទី០៧ ខែកក្កដា ឆ្នាំ២០១១
This blog was Suspend account… if i can’t get account back … i will stop use WordPress… hope you know about this..
គណនីរបស់ខ្ញុំត្រូវបានព្យួរ = បិទ មិនអាចដាក់ប្រកាសបានតទៅទៀត ប្រសិនជាមិនអាចដោះស្រាយបានទេ ខ្ញុំនឹងឈប់ប្រើ WordPress នេះ បើទោះបីជាយ៉ាងណាក៏មិនឈប់ត្រឹមនេះដែរ ខ្ញុំអាចទៅ បណ្តាញសង្គមផ្សេងដូចជា Blogspot រឺបណ្ដាញសង្គមមួយណា ដែលមានហេតុផលបិទគណនី រឺប្លក់ក្រៅពី WordPress នេះ.